Concello de Cervo

¿A QUEN VAN DIRIXIDAS?

Familias cervenses con fillas/os de 3 a 5 anos que estean estudiando nalgún colexio público do municipio.

¿QUE HAI QUE FACER PARA SOLICITAR A AXUDA?

Presentar a solicitude e a documentación no Rexistro Xeral no Concello de Cervo do 1 ó 31 de xullo de 2010.

¿CAL É A DOCUMENTACIÓN QUE HAI QUE PRESENTAR?

Fotocopia do DNI de tódolos membros da familia maiores de idade

Fotocopia do libro de familia

Declaración da Renda do ano 2008

Factura de compra dos libros e material escolar (ten que ser dun establecemento do municipio)

No caso de que algún membro da familia teña unha discapacidade ou dependencia, o certificado oficial correspondente

¿CALES SON OS IMPORTES DAS AXUDAS?

Ata 130 € por filla/o: Se a renda per cápita é igual ou inferior ó IPREM (ata 6.390,13 €)

Ata 100 € por filla/o: Se a renda per cápita está entre o 100% e o 150% do IPREM (de 6.390,13 a 9.585,10 €)

¿COMO CALCULAR A RENDA PER CÁPITA DA FAMILIA?

Hai que dividir os ingresos totais do núcleo familiar entre o número de membros:

Renda per cápita da familia=suma de ingresos da familia¹ / nº de membros²

² A efectos destas axudas contarán como membros da unidade familiar os pais e fillos solteiros menores de 25 anos que conviven no mesmo domicilio.
Os fillos de 25 anos ou máis só se contarán se teñen unha discapacidade ou dependencia recoñecida, dependen economicamente dos pais e conviven no mesmo domicilio.
Se algún dos membros da familia ten recoñecida unha discapacidade ou dependencia, contará por dous.