NOVAS NOVAS
« Atrás

A PRAIA DE LIMOSA SERÁ ESTE SÁBADO O ESCENARIO DO MEMORIAL MACGIVER ORGANIZADO POLO CLUB LIMOS

Logo de XI edicións de campionato, desde a organización decidiron este ano realizar unha xornada de surf libre para todos os públicos

Ás 19:00 horas está previsto o concerto de Miss Lane And The Kryptonians

A praia de Limosa será escenario este sábado, 12 de outubro, do Memorial Macgiver,  organizado polo Club Limosa Surf coa colaboración do Concello de Cervo.

Tal e como explicaron desde a organización “logo de XI edicións de campionato, este ano decidimos realizar unha xornada de surf libre para todos os públicos”.

As persoas interesadas en participar poden rexistrarse ás 9:00 horas.

No recinto habilitado tamén haberá postos de comida e bebida e música en directo. E como peche desta xornada de surf  o grupo Miss Lane And The Kryptonians ofrecerá un concerto ás 19:00 horas.

O Concello de Cervo convida a toda a veciñanza e visitantes, amantes e afeccionados do surf, a que se acheguen á Praia da Limosa, nesa xornada dedicada a este deporte que día tras día gaña adeptos, para poder gozar da nosa privilexiada costa e tamén das habilidades sobre a táboa de grandes profesionais deste deporte, moitos deles veciños deste municipio.

 

 

 

Escudo
© CERVO 2017
Praza do Concello, s/n
27891 Cervo
Tel.: +34 982 557 777 - Fax : +34 982 557 729
CONÉCTATE A CERVO

O Concello de Cervo tamén está contigo nas redes sociais. Sigue toda a súa actualidade a través destas canles e participa!

  • Flickr
  • Twitter
  • Facebook
  • Youtube
  • RSS
  • Google+
  • Picasa