NOVAS NOVAS
« Atrás

O CONCELLO DE CERVO RECEPCIONA AS OBRAS DE MELLORA DA RÙA DO FARO, NO PORTO DE ARRIBA EN SAN CI

A actuación, que comprende desde o acceso á Praza de Urbanización ata o aparcadoiro, contou cun investimento de 126.000 euros, dos cales o 75% foron financiados pola Xunta de Galicia

  • Renovouse o pavimento e as redes de saneamento, elimináronse as barreiras arquitectónicas “de acordo coa liña de traballo que estamos a fixar en todas as obras de nova execución que contemplamos no noso termo municipal”; e deixáronse preparadas as canalizacións para o alumeado público e as telecomunicacións
  • Esta intervención vén completar a renovación integral da zona, que supuxo un investimento total de 300.000 euros

O Concello de Cervo vén de recepcionar as obras da segunda fase da mellora da rúa do Faro, no Porto de Arriba de San Ciprián, que contaron cun orzamento de 126.000 euros, dos cales o 75% procederon da Xunta de Galicia, e os restantes das arcas municipais.

O rexedor, Alfonso Villares, que se desprazou no día de hoxe ata o lugar, acompañado por varios membros do equipo de goberno, explicou que “a obra, que comprende o tramo desde o acceso á Praza de Urbanización ata o aparcadoiro, consistiu na mellora do pavimento da rúa, eliminando barreiras arquitectónicas e renovando a rede de saneamento”.

Ademais, tamén se deixaron preparadas canalizacións para o soterramento do alumeado público e as telecomunicación.

Esta obra vén completar a renovación integral de toda esta contorna, que supuxo un investimento total de 300.000 euros; xa que a primeira fase que comprende o tramo entre a rotonda e o acceso á Praza de Urbanización, foi executada cos fondos do Plan Único, e recepcionada a finais do pasado ano.

Villares apuntou que esta actuación segue a liña de todos os proxectos que vimos acometendo no termo municipal; “todas as intervencións que plantexamos foron concibidas baixo tres premisas: a mellora da accesibilidade coa eliminación das barreiras arquitectónicas, a humanización da zona na que se actúa e a aposta polo saneamento; un servizo que non se ve, pero que mellora a calidade de vida da veciñanza”.

Escudo
© CERVO 2017
Praza do Concello, s/n
27891 Cervo
Tel.: +34 982 557 777 - Fax : +34 982 557 729
CONÉCTATE A CERVO

O Concello de Cervo tamén está contigo nas redes sociais. Sigue toda a súa actualidade a través destas canles e participa!

  • Flickr
  • Twitter
  • Facebook
  • Youtube
  • RSS
  • Google+
  • Picasa