Publicador de contidos Publicador de contidos
« Atrás

O CONCELLO DE CERVO ARRINCA A PROGRAMACIÓN DE ACTIVIDADES DE VERÁN CON MÁIS DE 200 NENOS INSCRI

A delegación de Educación puxo en marcha as iniciativas Enredos de Verán, Repasando en Verán e Cervo Concilia

  • Mañá comeza unha nova edición das Noites Alternativas cunha velada de orientación na Praza dos Campos

O Concello de Cervo xa puxo en marcha os programas de actividades dirixidos a contribuír a facilitar a conciliación da vida laboral e familiar co coidado dos pequenos e das pequenas.

O alcalde de Cervo, Alfonso Villares, e a edil de Educación, Dolores García Caramés, estiveron na Praia do Torno cun dos grupos de Enredos de Verán que desenvolveron actividades de sensibilización ambiental centradas na reciclaxe, e confirmaron que as cifras de participación son de récord “superando os 200 nenos inscritos”.

O rexedor e a edil recordaron que son tres os programas que hai en marcha este verán dirixidos a rapaces e rapazas de entre 3 e 12 anos: os tradicionais Enredos de Verán (máis de 120 inscritos), repasando en verán (80 inscritos), e a nova iniciativa Cervo Concilia que conta con case 30 nenos e nenas empadroados no Concello que asisten a diferentes actividades de ocio e de reforzo de balde, de luns a venres, en horario de 9:00 a 14:30 horas.

Ao londo dos meses de xullo e agosto haberá todo tipo de xogos acuáticos e actividades ao aire libre como surf, skate, bádminton, disc golf ou xornadas centradas no medio ambiente, como a que tivo  lugar no día de hoxe; entre outras.

Tamén se deseñou un calendario de Repasando no Verán para rapaces de todas as idades no que se desenvolverán “todo tipo de actividades de reforzo, cálculo, clases de inglés, e ensinaranse e poñeranse en práctica técnicas efectivas de estudo como a realización de resúmenes e esquemas”.

Por outra banda, mañá martes, 3 de xullo, comezará unha nova edición das Noites Alternativas que se desenvolverán ao longo dos meses de xullo e agosto en direrentes ubicacións de Cervo e San Ciprián; a partir das 22:00  horas o primeiro día de cada actividade. O resto de xornadas poderán variar os horarios en función dos grupos participantes.

As inscricións, abertas a todos o mozos do Concello, pero tamén a todos aqueles visitantes e veciños da contorna que desexen participar, deberanse facer o primeiro día de cada actividade, entre as 20:30 e as 21:30 horas.

Así, haberá fútbol praia, fútbol 3x3, fútbol 7, rutas en kaiaks, volei praia, basket 3x3, pádel, unha noite do patín, noites de orientación e xogos.

As actividades desenvolveranse na praia do Torno, na zona do Porto, na Praza do Souto, de Cervo, na Praza dos Campos, de San Ciprián, e nas instalacións do complexo deportivo da Veiga.

Todas as actividades son de balde, e fixaranse diferentes categorías a partir dos 8 anos (sub 10, sub 12, sub 15, sub 17 e Sénior).

Inaugurará o programa a Noite de Orientación na Praza dos Campos.

 

 

Escudo
© CERVO 2017
Praza do Concello, s/n
27891 Cervo
Tel.: +34 982 557 777 - Fax : +34 982 557 729
CONÉCTATE A CERVO

O Concello de Cervo tamén está contigo nas redes sociais. Sigue toda a súa actualidade a través destas canles e participa!

  • Flickr
  • Twitter
  • Facebook
  • Youtube
  • RSS
  • Google+
  • Picasa