Novas
« Atrás

A PRAZA DO SOUTO DE CERVO ACOLLE ESTA FIN DE SEMANA AS XVII VELADAS DE TEATRO

 

A obra de Teatro do Grupo Ardora de San Ciprián congregou a numeroso público nunha primeira xornada na que participou o Tenente Alcalde do Concello de Cervo, Plácido Pérez

  • Hoxe, dende as 21:30, haberá unha homenaxe á música tradicional e o grupo O Batán de Foz, representará a obra Bicos de Vinagre

 

A praza do Souto de Cervo está a acoller estes días as XVII veladas de teatro, organizadas polo Grupo O Bordelo, coa colaboración do Concello de Cervo.

 

A noite de onte foi a primeira dunha programación chea de actos, que comezou coa homenaxe ás Escolas de Cervo, polo seu centenario; na que participou o Tenente Alcalde do Concello de Cervo, Plácido Pérez, que tamén presenciou a continuación a actuación do Grupo Ardora, de San Ciprián, que representaron a súa obra Mal Social, ante numeroso público que encheu a carpa instalada na Praza para a ocasión.

 

As Veladas continúan hoxe, dende as 21:30 horas, cunha homenaxe á música tradicional, seguida da actuación do grupo O Batán, de Foz, que representará a obra Bicos de Vinagre.

 

Mañá sábado, ás 21:30 horas, será o Concerto do Grupo Sons de Celeiro, e seguidamente A charamela, de Melide, presentará a obra Vaiche boa….

 

A programación rematará o domingo co Grupo Xuventude, de Mondoñedo e a actuación do Grupo local e organizador do evento, O Bordelo, que presentará a súa obra O malquerer.

Escudo
© CERVO 2017
Praza do Concello, s/n
27891 Cervo
Tel.: +34 982 557 777 - Fax : +34 982 557 729
CONÉCTATE A CERVO

O Concello de Cervo tamén está contigo nas redes sociais. Sigue toda a súa actualidade a través destas canles e participa!

  • Flickr
  • Twitter
  • Facebook
  • Youtube
  • RSS
  • Google+
  • Picasa