O LEGADO DA HISTORIA O LEGADO DA HISTORIA

O legado da historia de Cervo é rico e variado, sendo o máis destacable o Conxunto Histórico Artístico de Sargadelos, que está formado polos seguintes bens patrimoniais: restos das instalación siderúrxicas, Antiga Fábrica de Louza, a presa, Casa da Administración, Casa do Peso, Pazo de Ibañez, Xardín do Pazo de Ibañez, Paseo dos Namorados, estrada de peaxe, Igrexa de Santiago de Sargadelos e cemiterio.

Arqueoloxicamente son destacables os Castros de Rueta e Castelo. O de Rueta está situado na parroquia de Santa María de Cervo, nunha punta mariña, na praia do mesmo nome. Ten unha importante liña de defensa con dous fosos anchos paralelos e un pequeño interfoso.

O castro de Castelo, chamado o Castro, situado na parroquia de San Xulián de Castelo, encóntrase practicamente destruído, conservándose unicamente parte do parapeto noroeste.

Tamén forma parte do legado da historia a Mina de Caolín, a “Ponte Romana” e o Pazo de Pedrosa.

A importancia da existencia de minas de caolín de excelente calidade nesta zona do norte da provincia de Lugo foi decisiva para o establecemento de factorías cerámicas, das que era materia prima primordial, sendo exportado para a a fabricación de importantes porcelanas.

A popularmente coñecida como Ponte Romana é unha construción medieval, da Baixa Idade Media, situada na zona do Bao e levantada para facilitar a comunicación de San Ciprián coa sede parroquial. Presenta un arco oxival de grandes dimensións.

Outro edificio que forma parte do legado histórico é o Pazo de Pedrosa, situado preto do porto de San Ciprián, na parroquia de Santa María de Lieiro. Nel instalouse O´Connor, quen cambiou o seu apelido polo de Pedrosa.

Tres escudos coroan a porta principal do pazo.

No seu interior colocouse un mascarón da nave, que segundo conta a lenda, trouxo oestranxeiro a estas terras.  

 

Antiga carretera de peaxe

Pazo dos Pedrosa

Ponte Medieval en O Bao (Lieiro)

Minas de caolín (San Román)

Escudo
© CERVO 2017
Praza do Concello, s/n
27891 Cervo
Tel.: +34 982 557 777 - Fax : +34 982 557 729
CONÉCTATE A CERVO

O Concello de Cervo tamén está contigo nas redes sociais. Sigue toda a súa actualidade a través destas canles e participa!

  • Flickr
  • Twitter
  • Facebook
  • Youtube
  • RSS
  • Google+
  • Picasa