No Medievo, coa instauración da sede parroquial de Lieiro, a comunicación de San Ciprián con Lieiro fíxose máis necesaria e construíronse novos camiños que evitaban rodeos, e foron colocados uns pasais de pedra, que aínda se conservan na zona das Laxas, para atravesar o río na marea baixa.

Estas importantes pezas de enxeñería das comunicacións foron a única infraestrutura existente para unir as dúas zonas durante moitos anos, e renovadas no ano 2003 polo Ministerio de Medio Ambiente (sen ter uso público) no marco dun proxecto de rehabilitación.