Nas terras deste concello atópanse os nacementos dos ríos Xunco e Covo, que discorren por todo o municipio de sur a norte, ata desembocar na vertente cantábrica. O río Xunco nace nos Montes de Buio, cruza polo Val da Fionza e desemboca, tras 20 quilómetros de percorrido, en Rueta. O río Covo nace no Pao da Vella, un alto situado entre os lindes dos Concellos de Cervo, Xove, Viveiro e o Valadouro e fai de fronteira natural entre Xove e Cervo ata o lugar do Piago; tras un percorrido de 18 quilómetros que cruza as parroquias de Castelo e Lieiro, desemboca na vila de San Ciprián.