Novas
« Atrás

O CONCELLO DE CERVO MELLORA A ACCESIBILIDADE DA ZONA DE GALDÍN, EN SAN CIPRIÁN

A actuación supón en torno a 8.000 euros, asumidos integramente con fondos municipais, e “contribuirá a mellorar a seguridade do alumnado do CEIP Península da Paz e da veciñanza do lugar”, tal e como precisou o rexedor, Alfonso Villares

  • En concreto estase a executar unha beirarrúa de 1´5 metros de ancho, facilitarase o acceso dos vehículos á estrada principal, e farase un paso de peóns elevado, co fin de evitar desniveis

 

O Concello de Cervo está a executar unhas obras de mellora da accesibilidade na zona de Galdín, en San Ciprián.

O rexedor, Alfonso Villares e a edil de Educación, Dolores García Caramés, estiveron supervisando os traballos acompañados do director do CEIP Península da Paz, José Ángel Riveira e de varios veciños do lugar.

Villares precisou que con esta actuación, que supón en torno a 8.000 euros asumidos integramente con fondos municipais, lograremos un dobre obxectivo; “por unha banda melloraremos a seguridade do alumnado do centro coa continuación da beirarrúa –de 1,5 metros de ancho- co que conseguimos que non teñan que transitar pola estrada en ningún momento no traxecto ao colexio; e por outra tamén a da veciñanza do lugar, “porque imos facilitar tamén o acceso dos vehículos á estrada principal e facer un paso de peóns elevado, a fin de evitar desniveis”.

O rexedor apuntou que esta obra foi acordada coa dirección do centro, coa ANPA e tamén coa veciñanza da zona de Galdín; “son fondos que consideramos ben investidos porque redundan neses dous aspectos tan importantes como son a accesibilidade e a seguridade, neste caso, ademais, na contorna dun centro educativo”.

 

Escudo
© CERVO 2017
Praza do Concello, s/n
27891 Cervo
Tel.: +34 982 557 777 - Fax : +34 982 557 729
CONÉCTATE A CERVO

O Concello de Cervo tamén está contigo nas redes sociais. Sigue toda a súa actualidade a través destas canles e participa!

  • Flickr
  • Twitter
  • Facebook
  • Youtube
  • RSS
  • Google+
  • Picasa