Emprego
« Atrás

VILLARES: "A MARIÑA NECESITA A MOBILIZACIÓN QUE HOUBO FAI 7 ANOS, TEMOS QUE BERRAR AO UNÍSONO PARA QUE O GOBERNO DEA UN PREZO DA LUZ NECESARIO QUE GARANTA A VIABILIDADE DA EMPRESA DO ALUMINIO NA NOSA ZONA"

O rexedor calificou de “preocupante” a situación e a actitude do executivo central, pero tamén de diferentes sectores detectando “unha pasividade moito maior que en momentos críticos que vivimos no pasado e que conseguimos reverter en gran parte grazas á unión de toda a bisbarra”

O alcalde de Cervo, Alfonso Villares, calificou hoxe de “preocupante” a situación que está a atravesar a empresa do aluminio nestes intres motivada pola inexistencia dun prezo competitivo para a luz “o que está a poñer en serio risco moitos postos de traballo, directos e indirectos, na nosa zona”.

Villares precisou que é preocupante a postura do Goberno, en primeiro lugar, pero tamén a que están a amosar moitos sectores “cunha actitude moito máis pasiva que fai 7 anos, cando protestamos toda A Mariña ao unísono esixíndolle ao executivo central esas medidas necesarias que garantisen a viabilidade da empresa; tendo en conta, ademais, que na actualidade -engadiu- “estamos nunha situación moito máis grave, que queda evidenciada coa baixada da produción da que están a informar estes días desde a multinacional”

De feito, esas manifestacións masivas e esa unión da toda a bisbarra foi crucial para conseguir “reverter eses momentos delicados que vivimos no pasado”.

O rexedor alertou “que si o goberno no dá ese prezo, A Mariña corre un serio perigo e fixo un chamamento á mobilización “temos que berrar todos ao unísono polo ben da nosa comarca, porque se seguimos nesta senda podemos chegar a unha situación sen retorno; está sobre nós a ameaza de que a nosa comarca quede sen esta empresa que é vital; e temos que loitar todos e reivindicar unidos para que cheguen xa esas medidas do executivo, polo presente e polo futuro da Mariña”, sentenciou.

 

 

Escudo
© CERVO 2017
Praza do Concello, s/n
27891 Cervo
Tel.: +34 982 557 777 - Fax : +34 982 557 729
CONÉCTATE A CERVO

O Concello de Cervo tamén está contigo nas redes sociais. Sigue toda a súa actualidade a través destas canles e participa!

  • Flickr
  • Twitter
  • Facebook
  • Youtube
  • RSS
  • Google+
  • Picasa