Medio Ambiente
« Atrás

O CONCELLO DE CERVO CONTINÚA A TRABALLAR AO CARÓN DOS APICULTORES NA LOITA CONTRA A VELUTINA

Están convocados a unha reunión co rexedor e a edil de Medio Ambiente, o próximo luns, 3 de maio, ás 18:30 horas, no salón de plenos, garantindo todas as medidas de prevención fronte ao COVID-1

Na xuntanza entregaráselles líquido atraínte para elaborar trampas para capturar ás raíñas durante a primavera, que está comprobado que é o mellor momento para facelo

A Administración local leva entregando estes produtos con carácter regular desde o ano 2017;  co obxectivo de “tentar así frear a expansión da velutina e minimizar a formación de niños no termo municipal”

O Concello de Cervo continúa a traballar ao carón das persoas apicultoras do municipio na loita contra a vespa velutina. 

Así, o rexedor, Alfonso Villares, e a edil de Medio Ambiente, Mali Méndez, manterán un novo encontro o vindeiro luns, 3 de maio, no salón de plenos, coa veciñanza que posúe colmeas, a fin de avaliar a situación actual e a incidencia da velutina neste tempo; “sempre garantindo todas as medidas de prevención fronte ao COVID-19”.

Na xuntanza, Villares e Méndez, entregarán produto atraínte de balde para que elaboren as trampas para as raíñas, “xa que está comprobado que durante a primavera é o mellor momento para facelo”.

O alcalde e a edil recordan que o Concello de Cervo estivo sempre en todo momento ao carón dos apicultores co obxectivo de tentar frear a expansión da velutina “de feito desde o ano 2017 entregamos con carácter periódico este líquido para que eles mesmos confeccionen as súas trampas; xa que, tal e como confirmaron é o que lles resulta eficiente para ir capturando as raíñas” a fin de  tentar reducir a formación de niños neste tempo.

De feito, a pesar do Estado de Alarma –precisan- “na pasada primavera non quixemos esquecernos tampouco dos apicultores e buscamos a fórmula para poder facerlles chegar o líquido aos seus fogares”, que lles entregamos a través da Policía Local.

Villares sinalou que a nosa intención é seguir “traballando coordinadamente con eles para afrontar esta problemática, tal e como vimos facendo desde que temos constancia da presenza da velutina no noso municipio tentando minimizar o impacto desta especie invasora para protexer, na medida das nosas posibilidades, o seu traballo e o das súas abellas”. 

 

Escudo
© CERVO 2017
Praza do Concello, s/n
27891 Cervo
Tel.: +34 982 557 777 - Fax : +34 982 557 729
CONÉCTATE A CERVO

O Concello de Cervo tamén está contigo nas redes sociais. Sigue toda a súa actualidade a través destas canles e participa!

  • Flickr
  • Twitter
  • Facebook
  • Youtube
  • RSS
  • Google+
  • Picasa