O Programa de Emerxencia Social pretende dar resposta ás necesidades básicas para a supervivencia persoal e de mantemento da convivencia, así como paliar as situacións de necesidade que levarían aos individuos á marxinación social.

Coa posta en marcha deste programa, o Concello de Cervo cubre as necesidades primarias de alimentación e vestido de familias que se atopen en situacións económicas moi precarias, facilitándolles unhas condicións mínimas de habitabilidade da vivenda, así como cubrir as necesidades xerais por situacións imprevistas e que precisen dun gasto especial e urxente así como cubrir gastos que deriven de situacións que co tempo darían lugar á marxinación.