O mercado organízase na Praza dos Campos de San Ciprián todos os xoves do mes e cun horario de 8:00 a 15:00 horas.

Concepto de venda ambulante

Considérase venda ambulante ou non sedentaria a realizada por persoas comerciantes, fóra dun establecemento comercial de forma habitual en instalacións comerciais desmontables ou transportables.

Non se considerará venda ambulante a venda realizada ocasionalmente polas persoas que venden os produtos das hortas, e que se realizará nos lugares indicados pola autoridade pertinente.

Produtos de venda autorizada

Poderán ser ofrecidos á venda artigos textiles, de artesanía, bixutería, marroquinería, calzado, confección, droguería, artigos de coiro ou pel, de ornato de pequeno volume, así como produtos alimenticios (pan, froita, queixos…) que non estean expresamente prohibidos pola normativa vixente e cumpran as condicións sanitarias e hixiénicas que establece a lexislación sectorial sobre a materia para cada tipo de produto.

En concreto, non poderá vender produtos destinados ao consumo humano quen careza de carné de manipulador de alimentos.

Mercado na Praza dos Campos de San Ciprián