43º 41' 44.14''N

7º 26' 26.56''W

Esta capela, situada no Porto de Abaixo, foi encargada polo presbítero D. Andrés Varela. Un eclesiástico que fundou, o 8 de xaneiro de 1641, o Hospital de San Andrés para hospedar aos peregrinos pobres, para dotar rapazas casadeiras e axudar a estudantes pobres.

Este inmoble dispoñía, ademais da capela, dunha casa-hospital.

A referida capela sirviu de templo parroquial na segunda metade do século XIX.

Detrás da mesa do altar pódese ver unha lápida na que está gravado o nome do fundador e a data.

Nesta capela podemos contemplar as imaxes da Virxe do Rosario e de San Sebastián, esta última do s. XVIII. Do mesmo século atopamos no altar maior unha imaxe de San Andrés. Sen esquecer as imaxes do Sagrado Corazón de Xesús e a Virxe do Carme.

O Pai Eterno, con tres coroas e crucifixo, está datado no s.XVI, mentres o San Antonio podería ser do s. XVIII. 

A festividade do patrón celébrase o 30 de novembro.