43º 41' 18.48''N

7º 26' 4.40''W

Esta capela, situada no alto do Guioncho preto do lugar da Venta, foi fundada no ano 1718 por Manuel Bermúdez.

No ano 1798 o seu patrón e posedor era D. Felipe Bermúdez Saavedra, fillo do fundador e párroco de Cervo.

Actualmente é privada e pertence a familia Rubiños, descendentes do fundador.

Esta capela foi resturada polos propietarios no ano 2002 xa que se atopaba en ruínas.

Destacar que na restauración a súa estrutura orixinal non foi alterada, mantendo o seu altar principal con dúas fornelas laterais.

Lamentablemente perdéronse as imaxes orixinais de San Caietano e Nosa Señora de Guadalupe, polo que foron repostas por outras de cerámica.