A cita, que conta colaboración do Concello, dará comezo o venres 2 de agosto, a partir das 20:00 horas, coas actuacións do Grupo Folklórico  “Naz” (Kazajistan), a Compañía Nacional de México (da mestra Mari Nieves Panyagua), Grupos Coros y Danzas San Antón de la Peña La Zaranda (Murcia), e o Grupo Folklórico Mistura, que como anfitrión será o encargado de poñer o broche de ouro 

O sábado, 3 de agosto, a partir das 19:00 horas, será a quenda do Festival Infantil co Grupo Abrente de Bágoas da Terra (Viveiro), Asociación Cultural Saíñas (Xove) e rematará co Grupo Folklórico Mistura 

 

O Concello de Cervo arrincará o mes de agosto co  Festival Folklórico Internacional e Infantil que se celebrará en San Ciprián, na Praza dos Campos o 2 e o 3 de agosto, da man do Grupo Folklórico Mistura, coa colaboración da Administración local.

A alcaldesa, Dolores García Caramés, e o concelleiro, Alfredo Fernández, presentaron a cita acompañados de varios compoñentes de Mistura.

Así, o venres 2 de agosto, terá lugar o Festival Internacional que arrincará ás 20:00 horas coa participación do Grupo Folklórico  “Naz” (Kazajistan), a Compañía Nacional de México (da mestra Mari Nieves Panyagua), Grupos Coros y Danzas San Antón de la Peña La Zaranda (Murcia) e rematará coa actuación do anfitrión, o Grupo Folklórico Mistura.

Xa o sábado, 3 de agosto, será a quenda dos máis pequenos/as; a partir das 19:00h actuarán o Grupo Abrente de Bágoas da Terra (Viveiro), a Asociación Cultural Saíñas (Xove)e rematará a sección infantil do Grupo Organizador, Mistura.

O venres sortearanse dás cestas ao remate do festiva, e o sábado haberá un sorteo de 500 euros.

A alcaldesa, quixo “felicitar ao Grupo Folklórico Mistura polo traballo que están a facer a prol da Cultura Galega, achegando, ademais o noso Folklore ás novas xeracións, velando así pola súa conservación como ben patrimonial que é”. 

Caramés animou a veciños e visitantes a que participen nesta actividade e asistan a ver un espectáculo “que é un intercambio cultural único que nos ofrece a oportunidade de ver en directo o talento de diferentes agrupacións de aquí e de fóra, aos que animamos a desfrutar do noso municipio e de todo canto Cervo pode ofrecer”.

 

 

Organizador
Club de atletismo Maderas Barcia Cervo

Máis de 100 persoas se beneficiaron desta “iniciativa transversal pensada para este nicho de poboación maior de 60 anos co obxectivo de contribuír a que se manteñan activos e activas social, físico e mentalmente”, apuntou a alcaldesa.

Nos últimos días clausuramos a primeira edición de Arruguiñas, un programa integral de envellecemento activo, que foi todo un éxito de participación nas diferentes actividades propostas!!!

Talleres de memoria, talleres terapéuticos, os programas Charlando, Móvete e Actívate, e ata Guateques itinerantes polas diferentes parroquias para contribuír a dinamizar o día a día e fomentar a socialización da nosa veciñanza na etapa de madurez.

Máis de 100 persoas se beneficiaron desta “iniciativa transversal pensada para este nicho de poboación maior de 60 anos co obxectivo de contribuír a que se manteñan activos e activas social, físico e mentalmente”, apuntou a alcaldesa.

Foi un programa que configuramos con moito mimo para poder ofrecerlle aos nosos veciños e veciñas todas as ferramentas e os recursos posibles –engadiu- “para mellorar o seu desenvolvemento persoal durante esta etapa da vida, motivándoos a permanecer activos e recordándolle o papel fundamental que desempeñan no noso municipio”.

A alcaldesa quixo agradecer a implicación de todos os participantes, e tamén a colaboración dos diferentes colectivos, traballadores e persoas voluntarias, cuxo papel foi fundamental para que Arruguiñas funcionase así de ben!!

Saúde Mental A Mariña, Xubilados Terramar, Icía, e moitas máis persoas e asociacións veciñais que tamén foron fundamentais para poder levar os guateques itinerantes ás diferentes parroquias.

Grazas!!!!

Vémonos o próximo curso!!!

A cita está organizada pola asociación Amigos da Maruxaina en colaboración co Concello de Cervo

Este venres, 12 de xullo a Praza dos Campos será o escenario da Mexillonada Popular, da man da asociación Amigos da Maruxaina coa colaboración do Concello.

As racións comezaranse a servir a partir das 20:00 horas

E desde as 22:00 horas, amenizará a cita DJ OVO.

Na presentación da mexillonada participaron a rexedora, Dolores García Caramés, os edís Alfredo Fernández e Adrián Arias, e unha representación da asoc. Amigos da Maruxaina.

 

O próximo curso, o IES Marqués de Sargadelos dará un importante salto cualitativo en canto ao seu currículo formativo.

Temos o privilexio de poder contar a partir de setembro co 1º Ciclo Medio de Cultivos Acuícolas de Galicia, que desde logo, e tal e como precisou a alcaldesa, Dolores García Caramés, nunha recente visita ao centro,

“é unha oportunidade única para a nosa mocidade, que poderá formarse nun sector en auxe con grandes garantías de futuro”; tendo en conta ademais que contamos no noso Polígono de Cuíña cunha piscifactoría referente e en proceso de ampliación, polo que a inserción laboral pode ser unha realidade logo de cursar o ciclo.

O IES Marqués de Sargadelos será pois desde o próximo ano o berce da primeira promoción de acuicultores galegos ao albergar este ciclo medio de Formación Profesional Dual Intensiva de dous cursos e prácticas remuneradas.

Que boa nova!! Hai 22 prazas dispoñibles e se tedes inquedanzas por este sector aínda estades a tempo de formalizar a vosa matrícula.

Graciñas á Xunta de Galicia, a través das Consellerías de Mar e de Educación por esa forte aposta porque este ciclo con tantas oportunidades recalase no noso Concello, no noso Instituto!!!

-

A cita propón moita música da man do grupo Zona Zero, a orquestra Los Player´s, o Grupo Arizona e un concerto tributo a Dire Straits, ademais da tradicional procesión da man da asociación Mar de San Ciprián 

San Ciprián celebrará o próximo 15 e 16 de xullo as súas Festas na Honra da Virxe do Carme.

A cita, organizada polo Concello, foi presentada pola rexedora Dolores García Caramés, a concelleira Mali Méndez, os edís Alfredo Fernández e Adrián Arias, e por unha representación da asociación Mar de San Ciprián, que se encarga de organizar a procesión, de Mulleres de San Cipirán, que colabora coa decoración floral e de varios colaboradores da Festa e da asociación A Anxuela.

Os festexos arrincarán o luns 15, coa sesión vermú a cargo do Grupo Zona Zero, ás 14:00 horas.

Xa á noitiña, ás 21:00 horas terá lugar a tradicional procesión do Carme ata o peirao, organizada pola asociación Mar de San Cipirán e acompañada polo grupo de gaitas A Rebolaxe.

A continuación será  a verbena na Praza dos Campos co Grupo Zona Zero e a orquestra Los Player´s.

O día grande, o martes 16, a misa está prevista para as 12:00 horas, no peirao, cantada pola Coral Terramar, ao remate haberá unha ofrenda floral na honra dos mariñeiros falecidos a cargo de Francisco Pernas.

A continuación será a procesión da Virxe ata a Igrexa Parroquial de Lieiro, organizada por Mar de San Ciprián, acompañada pola Banda da Misericordia.

Xa ás 14:00 horas será a sesión vermú co grupo Arizona que repetirá na verbena ás 22:00 horas, con Greats Straits, un concertó tributo a Dire Straits.

A alcaldesa quixo agradecer o esforzo e a implicación dos diferentes colectivos e veciños e veciñas que colaboran para facer posible a celebración desta Festa con tanto arraigo na nosa vila “que reforza esa identidade de vila mariñeira que caracteriza a San Ciprián, un pobo no que neses días se respira un especial sentimento festivo e de comunidade palpable en cada encontro familiar e entre amigos, e moi especialmente nese emotivo percorrido da Patroa polas rúas da vila engalanadas para a ocasión”.

A rexedora  quixo convidar, do mesmo xeito, á veciñanza e visitantes  a que desfruten destas dúas xornadas festivas coas que se pretende conectar con toda a sociedade, nas que a música, a diversión e os bos momentos entre a familia e os amigos están asegurados.