10/06/2016. Entregados os premios do sexto concurso fotográfico de medio ambiente Cervo Respecta.
Os premios da sexta edición do concurso fotográfico de medio ambiente Cervo Respecta foron entregados durante un acto celebrado no Centro Cultural e de Servizos á Cidadanía de Cervo e que contou coa presenza do alcalde, Alfonso Villares, e da concelleira Manuela Méndez.
O primeiro premio foi para Pedro Antonio Vicente Canoura, de Xove, pola fotografía titulada LUCECÚ. O segundo recibiuno Antonio Herrera Huerta, de Fuenlabrada (Madrid) que presentou a fotografía En la Plaza del Obradoiro. E o premio Top Cervo, que é para a mellor foto do municipio, gañouno Consuelo Fra Fernández, de San Ciprián, coa fotografía Ponte Romana.
As fotos estarán ata o final deste mes na sala de exposicións do Centro Cultural e de Servizos á Cidadanía de Cervo e durante a primeira quincena de agosto poderán verse na sala de exposicións da Casa da Cultura de San Ciprián.
Este concurso estaba englobado dentro das actividades do Día do Medio Ambiente e a exposición forma parte das actividades de educación ambiental da bandeira azul 2016 da praia do Torno.