O CONCELLO DE CERVO MELLORA A ILUMINACIÓN DA URBANIZACIÓN DAS VIVENDAS SOCIAIS DE RÍO COBO

En concreto, colocáronse dous novos puntos de luz, e substituíronse as luminarias xa existentes por outras tipo LED, o que supuxo un investimento de 6.000 euros

O Concello de Cervo acometeu estes días traballos de mellora da iluminación en Río Cobo.

En concreto, colocáronse dous novos puntos de luz para dar servizo á urbanización das vivendas sociais de Río Cobo, e substituíronse as luminarias existentes por outras tipo LED, “coas que gañamos tamén en eficiencia enerxética”, tal e como apuntou o rexedor, Alfonso Villares, quen supervisou a actuación acompañado polo edil de Seguridade Cidadá, José Ramón Soto, por técnicos municipais, e por algúns veciños da zona.

Villares precisou que o investimento foi de 6.000 euros, procedentes das arcas municipais.