Praia de Paraños

Tipo: Praia resgardada

Lonxitude: 195 metros

Tipo de area: fina e branca

A pé difícil, a través da liña de costa

Imposibilidade de chegar con vehículo

Esta praia sitúase na parte máis occidental do municipio, marca a liña de división entre os concellos de Cervo e de Xove.

A súa accesibilidade non é doada debido a que os seus antigos accesos atópanse dentro da propiedade da multinacional aluminera ALCOA EUROPE.

Para acceder a este areal  hai que facelo por costa a través da Praia de Lago (Xove).

Antigamente a esta praia acudían os habitantes de Bidueiros (Lieiro), unha poboación anterior a construción da factoría.

Está protexida polos diques de Morás e do porto comercial de ALCOA EUROPE, sendo frecuentada polos afeccionados á pesca deportiva.